- ዋጋ ትኬት ዝትመን ብወድዓዊ ዋጋ ዕደጋ /ዋጋ ባስ፣ ነዳዲ፣ መቀያየሪ አቕሑት፣ ጎማን ወዘተ/ መሰረት ብምግባር ናይቲ ትካል ማነጅመንት ብዝትምኖ ዋጋ እዩ፡፡
- ዝተሸጠ ትኬት ቅድሚ ቀትሪ 8:00 ሰዓት ድሮ ዕለት ምውፋር ጉዕዞኡ እንተተሰሪዙ ገንዘቡ ሙሉእ ብሙሉእ ይምለሰሉ፡፡ ብድሕሪ 8፡00 ሰዓት ንዝሓትትን ንጉሆ አብ መበገሲ ሰዓት ከይመፅኣ ዝተረፈን ግና 50% ዋጋ ትኬት ተቐኒሱ ገንዘቡ ይምለሰሉ
- ሓደ ሰብ ዝዓደጎ ትኬት ካብ ዓቕሙ ንላዕሊ ዝኾነ ምክንያት ጉዕዞ ሰሪዙ ካልእ ሰብ ንክኸደሉ እንተደልዩ ንመተኣናገዲ ብምፍላጥ ክቕይር ይኽእል፡፡ ኮይኑ ግና ትርፊ ንምርካብ ቲኬት ምሻጥ ኩልኩል እዩ፡፡
- ኣብ ሕድ ሕድ ቲኬት ናይ ተሳፋሪ ወንበር ቑፅሪ ስለዘለዎ ሕድ ሕድ ተሳፋራይ ኣብታ ዝተነፀረትሉ ወንበር ኮፍ ክብል ይግባእ፡፡ ኮይኑ ግና ኣብ መንጎ መንገደኛታት ብምፍቕቓድን ብድልየትን ወንበር ምልውዋጥ ይካኣል'ዩ፡፡
- ዝኾነ ተሳፋራይ ኣብ እዋን ቲኬት ምቑራፅ ይኹን ጉዕዞ መለለይ ካርዱን ቲኬቱን ከርኢ ኣድላይ ኮይኑ ኣብ ዝርከበሉን ኣብ ዝሕተተሉን እዋን ናይ ምርኣይ ግቡእ አለዎ፡፡
- ስርዓተ ቲኬት ምቑራፅ ግልፅነትን ፍትሓዊነትን ብዝተኸተለ መንገዲ ኮይኑ ኣቐዲሙ ዝመፀ ኣቐዲሙ ይቖርፅ ብዝብል መርህ እዩ፡፡
- ሕድ ሕድ መንገደኛ ክሳብ 25 ኪሎ ዝምዘን ኣቐሑት ብነፃ ከጓዓዓዝ ይኽእል'ዩ፡፡
- ሻንጣኦም ይቖልፉ፡፡ ሽሞምን አድራሻኦምን አብ ውሽጥን ደገን ሻንጣኦም ይፅሓፍሉ፡፡
- ኣብ ዝባን ባስ ዝፃዓኑ ንብረታተት ብመጠን ክብደቶም ንሕድ ሕድ ኪሎ ብር 0.1278 ብኪሎሜትር ሒሳብ ክኽፈል አለዎ፡፡
- ናይ መንገደኛ ዓቕሓ ዝፀዓን ከምቲ ናይቲ ዓቅሓ ዓይነት ኣብ ውሽጢ ባስ /ካቢን/ ወይ ካዓ ኣብ ላዕሊ ክፀዓነሉ ይኽእል፡፡
- ሓደ መንገደኛ ዝለዓለ ዝፍቀደሉ መጠን ዕፅነት 75 ኪ/ግራም ጥራሕ እዩ፡፡
- ካብዚ ወፃኢ ክብደት ዘለዎምን ዓበይቲ ቦንዳታትን ምፅዓን ኣይካኣልን፡፡
- ናይ ኤሌክትሮኒክ አቕሑት፣ ካሜራ፣ ገይፃመይፂ፣ ጥረ ገንዘብን ዝኣመሳሰሉክባራት አቅሑት አብ ዒዶም ይሓዙ፡፡
- ንድሕንነት ንብረት መንገደኛን ትካልን ዝጎድእ ወይ ንምፅዓን ዘፀግም ንብረታት መንገደኛ ከም ፈሳሲ ነገር፣ ቅብኣት፣ ዘይቲ፣ ቀለም፣ ፋሓም፣ በርበረ፣ ብፅቡቕ ዘይተዓሸገ መዓርን ካልኦት ጎዳእቲ ነገራት እንተልዮም እቲ ትካል ንክፅዕን ኣይግደድን፡፡
- ትኬት ተቖሪፅዎ አብ ላዕሊ ዝተፅዓነ ናይ መንገደኛ ንብረት ብዝኾነ ምኽንያት እንተጠፊኡ በቲ ኣብ ትኬቱ ንዝተቐመጠ ክብደት ብኪሎ 7፡00 ብር ሒሳብ ትካል ይኸፍል፡፡ ነዚ እውን ተሓታትነቱ ስጋብ 75 ኪ.ግ ጥራሕ ይኸውን
- ብቐሊሉ ዝበላሸዉ፣ ተሰበርቲ አቕሑት፣ ካብ መጠን ንላዕሊ ዝተኣሸጉ ሻንጣታትን ናይ ሻንጣ ደገ አካላትን እንተተበላሽዮም ሓላፊነት የብልናን፡፡
- አብ ዒዶም ዝሓዝዎን አብ ውሽጢ አውቶቡስ ዘቕመጥዎን ንብረትእንተጠፊኡ ሓላፊነት የብልናን፡፡
- አብ ጉዕዞ ከጋጥም ብዝኽእል ጭሕጋግ፣ ስንጣቕ፣ ምጡንባቕ፣ ምቑራፅን ምርሳሕን ሻንጣታት ሓላፊነት የብልናን፡፡
- አውቶቡስ ምስ ዓረፈ ሽዑ ንሽዑ ሻንጣኦም ካብ መዕረፊ ቦታ ይውሰዱ፡፡
- ሻንጣኦም እንተተጎዲኡ ወይ ካዓ እንተጠፊኡ ካብ መውረዲ ቦታ
ከይለቐቕኩም ሽዑ ንሽዑ የፍልጡ፡፡
- ሻንጠኦም ምስተፃዕነ ብዝኾነ ምኽንያት አብ መውረዲ ቦታ ተረኺቦም ክቕበልዎ ተዘይኪኢሎም ናይ ባዕሎም ሓላፊነት ይኸውን፡፡
